Rəqs kursu - Heydər Əliyev adına Mədəniyyət Azərbaycan Mərkəzində fəaliyyət göstərən ilk kursdur. Kursları Azərbaycan və Özbəkistanın əməkdar artisti Kökəb Əliyeva aparır.
Mərkəzdə kurslarda iştirak edən qabaqcıl uşaqlardan təşkil olunmuş “Azərbaycan qızları”  rəqs ansamblı təşkil edilmişdir. Ansamblın bədii rəhbəri Kökəb Əliyevadır.
“Azərbaycan qızları” uşaq xoreoqrafik ansablı kiçik və böyük məktəbyaşlı uşaqlardan təşkil olunmuşdur. Bundan başqa, litsey və kollec tələbələri də burada iştirak edirlər. Kurslarda kiçik yaşlı uşaqlar xoreoqrafiyanın əsaslarını öyrənirlər. Bu qrupdan başlayaraq milli rəqslərin sadə, sonra isə daha mürəkkəb kompozisiyaları öyrədilir.
Kursun əsas məqsədi – Azərbaycan uşaqlarını orijinal milli mədəniyyətə cəlb etmək və Özbəkistanda Azərbaycan rəqslərini təbliğ etməkdir. Tədris proqramında əsas yer folklor rəqs ənənəsinə verilir və müasir xoreoqrafiya öyrədilir. Təlimin teoretik hissəsinə girişdə uşaqlar milli rəqslərin elementləri olan videoyazılara baxırlar.
Kurs iştirakçıları Azərbaycan Respublikasının ən yaxşı kolleltivlərinin çıxışlari, Azərbaycan bəstəkarlarının, muğənnilərinin və rəqqaslarının fəaliyyəti ilə tanış olurlar. Sonradan Azərbaycan Respublikası incəsənət ustalarının musiqi və mahnıları əsasında  rəqslər qoyulur.
“Azərbaycan qızları“ kollektivinin tərkibi 85 faiz azərbaycanlı uşaqlardan ibarətdir. Özbəkistanda yaşayan başqa millətlərin uşaqları da kurslarımızda fəal iştirak edir və Azərbaycan rəqslərini  öyrənirlər.
“Azərbaycan qızları“ ansamblının repertuarı daim yenilənir – bu azərbaycan folkloru,  şərq xalqlarının muasir rəqsləri, dünya xalqlarının rəqsləridir. Əlbəttə ki, özbək xalq rəqsi və müasir rəqslər də kurslarda öyrədilir.
Ansamblın kollektivi müxtəlif respublika, şəhər və vilayətində təşkil olunan  festivallarda və müsabiqələrdə fəal iştirak edirlər.

Ansambl üç dəfə “Özbəkistan – bizim evimiz“ və “Mexricon” festivallarının laureatları olmuşlar.