Muzeydəki eksponatlar Azərbaycan və Özbəkistanın qədimi tarixi əlaqələri, həm də bu iki qardaş ölkənin günü-gündən inkşaf edən münasibətlərindən bəhs edir.
Muzeydə 2 xəritə, 19 fotostent, 14 vitrin, 67 kitab, Ulu öndər Heydər Əliyevin Özbəkistan prezidenti İslam Kərimovla portreti, Azərbaycan prezidenti İlham Əliyevin Özbəkistan prezidenti İslam Kərimovla görüşündən portret, Özbəkistanın tanınmış şəxslərinin Azərbaycan tərəfinə hədiyyələri, qarşılıqlı dostluq əlaqələri, Özbək müəlliflərinin Azərbaycan haqqında, Azərbaycan müəlliflərinin Özbəkistan haqqında nəşrləri, Özbəkistan və Azərbaycanın dövlət bayraqları saxlanılır.
Muzeydəki xəritələrdə qədim Özbək və Azərbaycan dövlətlərinin tarixi əraziləri, guşələrdə isə qədim dövrlərdə, Sovet dövründə və müstəqillik illərində Azərbaycan və Özbək ədəbiyyatından seçmələr öz əksini tapmışdır.
|