Heydər Əliyev Muzeyi mərkəzin 2-ci mərtəbəsinin sol tərəfində yerləşir.
Muzey bir ekspozisiya zalından, 7 fotostentdən, 10 vitrindən, 77 ədəd fotoşəkildən, 52 kitabdan ibarətdir, habelə H.Əliyevin ailəsinə, onun uşaqlıq və gənclik illərinə həsr olunmuş stendlər, ulu öndər Heydər Əliyevin başqa dövlət rəhbərləri ilə görüşü haqqındakı foto sənədlər, məşhur şəxsiyyətlərin Heydər Əliyev haqqında rəyləri saxlanılır. Muzeyi, həmçinin, 1990-cı ildə Daşkəndli Yulduz Əliyevanın çəkdiyi
2 rəsm əsəri də bəzəyir.
Muzeyin ən maraqlı bölmələrindən biri də Ulu Öndərin müxtəlif ölkələrin rəhbərləri ilə görüşlərini əks etdirən fotoşəkillərdir. “Heydər Əliyev Mədəni İrsimizin keşiyində”, “Müstəqillik yollarında”, “Müstəqilliyimiz əbədidir”, “Təhsil millətin gələcəyidir” və.s kitabları muzeydə nümayiş etdirilir.
2010-cu il 27 sentyabr tarixində Azərbaycan Respublikasının Prezidenti İlham Əliyev Mərkəzdə yaradılmış Heydər Əliyev muzeyi ilə tanış olmuşdur.
Mütəmadi olaraq Daşkənddəki təhsil ocaqlarında oxuyan məktəblilər və tələbələr muzeyi ziyarət edir və burada açıq dərslər keçirilir.
Muzeyə daxil olmaq və tanış olmaq pulsuzdur.
|