Joriy yilning 1 aprelidan boshlab Ozarbayjon Respublikasining O'zbekiston Respublikasidagi elchixonasi qoshidagi Haydar Aliyev nomidagi Madaniyat Markazida kompyuter kurslari ishga tushirildi. Kurslarda turli xil kompyuter dasturlari (Windows, Microsoft Office, Internet Explorer) o'rgatiladi.
Darslar bepul. Haftada 3 marta o'tkaziladi: dushanba, seshanba, payshanba, soat 15:00da. Ro'yxatga olinish uchun shaxsini tasdiqlovchi hujjat bo'lishi kerak. Kurslar ozarbayjonlik mutaxassis Lala Orujeva tomonidan olib boriladi. Kurslarda 30 dan ortiq bolalar va o'smirlar ishtirok etmoqda.
Madaniyat Markazining kompyuter zali kompyuter texnikasi, shuningdek, doimiy va tezkor Internet aloqasi bilan ta'minlangan.
Jamoatchilik va kurs ishtirokchilari kurslardan tashqari har juma kuni Madaniyat Markaziga murojaat qilib, kompyuterlardan foydalanishlari va shaxsiy ishlarini bajara oslishlari mumkin.
Kurslarga yozilish uchun odam o'zi haqidagi rezyumeni to'ldirib, Madaniyat Markaziga topshirishi kerak.
Kurslarni muvaffaqiyatli tamomlagan abituriyentlarga Madaniyat Markazining sertifikati beriladi.