XABARLAR 2021
O'zbekistondagi Haydar Aliyev nomidagi Ozarbayjon Madaniyat Markazida xayriya tadbiri o'tkazildi
Yangi yil bayrami munosabati bilan O'zbekistondagi Haydar Aliyev nomidagi Ozarbayjon Madaniyat Markazida xayriya tadbiri o'tkazildi.
Tadbirda Toshkent shahridagi 21 -, 22-va 30-Mehribonlik uylarining 200 nafardan ortiq tarbiyalanuvchilari, asosan ota-ona aramog'idan mahrum bo'lgan bolalar va mazkur muassasa o'qituvchilari ishtirok etdi.
Ishtirokchilar dastlab Ozarbayjon davlatchiligi tarixi muzeyi, Haydar Aliyev muzeyida bo'lib, Markaz foyesida tashkil etilgan kitob ko'rgazmasi bilan tanishdi.
Markazdagi Haydar Aliyev muzeyida bo'lib o'tgan uchrashuvda markaz xodimi Kifoyat Pirmamedova ozarbayjon-o'zbek do'stligi haqida so'z yuritar ekan, bu do'stlikni mustahkamlash, xalqlarimiz o'rtasidagi aloqalarni rivojlantirishda bolalarning mas'uliyati katta ekanini ta'kidladi. U bolalarning bilim va ko'nikmalar egallashi muhimligini ta'kidlab, Ozarbayjon davlati, Haydar Aliyev jamg'armasi tomonidan mamlakatimizdagi Mehribonlik uylariga hamxo'rlik qilish, ular faoliyatini yuqori saviyada tashkil etish borasida amalga oshirilayotgan ishlar haqida so'zlab berdi.
Tadbir yakunida bolalar dasturxonga taklif etilib, milliy taomlar bilan mehmon qilindi.
27.12.2021