XABARLAR 2021
Anar Kerimov Oʻzbekistonda UNESCO Bosh direktori muovini bilan uchrashdi
Oʻzbekistonda safarda boʻlib turgan madaniyat vaziri Anar Kerimov qator xalqaro tashkilotlar rahbarlari va vakillari bilan uchrashuvlar oʻtkazdi.
UNESCO Bosh direktorining ijtimoiy-gumanitar fanlar boʻyichamuovini Gabriela Ramos bilan uchrashuvda Ozarbayjonning UNESCO bilan ijtimoiy-gumanitar fanlar sohasidagi hamkorligi yuzasidan fikr almashildi.
UNESCO va Ozarbayjon oʻrtasidagi hamkorlik tarixi haqida soʻz yuritar ekan, Anar Kerimov mamlakatimiz birinchi vitse-prezidenti, UNESCO yaxshi niyat elchisi Mehribon Aliyevaning bu aloqalarni rivojlantirishdagi alohida xizmatlarini qayd etdi. Shuningdek, vazir 2008 yilda Ozarbayjon Respublikasi Prezidenti Ilhom Aliyev tomonidan ilgari surilgan madaniyatlararo muloqot boʻyicha "Boku jarayoni" xalqaro platformasi haqida maʼlumot berdi. BMT Bosh kotibining hisobotlarida madaniyatlararo muloqotni oʻz ichiga olgan "Boku jarayoni" global platforma sifatida yuqori baholangani qayd etildi. BMT Tamaddunlar Ittifoqi va UNESCO Boku shahrida oʻtkazilgan madaniyatlararo muloqot boʻyicha Jahon forumlarining asosiy hamkorlari hisoblanadi. Dunyoda koʻp madaniyatli va bagʻrikeng mamlakat sifatida qabul qilingan Ozarbayjon farqliklarni oʻzining boyligi deb biladi.
Uchrashuvda Ozarbayjon tarixiy Ipak yoʻlida joylashgan mamlakatlar bilan hamkorlikka katta ahamiyat berayotgani, bu qadimiy yoʻlning zamonaviy taraqqiyotdagi oʻrni muhim ekani alohida taʼkidlandi.
Anar Kerimov, shuningdek, Ozarbayjon Madaniyat vazirligi tomonidan ilgari surilgan "Madaniyat uchun tinchlik" (Peas for culture) xalqaro platformasi haqida maʼlumot berdi.
Suhbat chogʻida Armaniston bosqinidan ozod etilgan Qorabogʻ viloyatida UNESCO tomonidan Ozarbayjonga texnik missiya yuborish masalasi yuzasidan fikr almashildi.
Uchrashuvda gender tengligi, yoshlar borasidagi hamkorlik, shuningdek, UNESCO tomonidan tashkil etilgan yoshlar forumi muzokaralar mavzusi boʻldi.
16.09.2021