Ozarbayjon Respublikasining O'zbekiston Respublikasidagi elchixonasi huzuridagi Haydar Aliyev nomidagi Ozarbayjon Madaniyat Markazi Ozarbayjon Respublikasining O'zbekiston Respublikasidagi elchixonasi huzuridagi Haydar Aliyev nomidagi Ozarbayjon Madaniyat Markazi Ozarbayjon va O'zbekiston gerbi
На главную Bizga yozing Sayt xaritasi

XABARLAR 2021

  • bg1
  • bg2
  • bg3
  • bg4
  • bg5
  • bg6
  • bg7
  • bg8
  • bg9
  • bg10
  • bg11
  • bg12
  • bg13
  • bg14
1 2 3 4 5 6 7 8 9 10 11 12 13 14
html5 slider by WOWSlider.com v8.8

Ganira Pashayevaning "O'zbekiston bosqichma-bosqich" kitobining onlayn taqdimoti o'tkazildi.


Haydar Aliyev nomidagi Ozarbayjon Madaniyat Markazi, O'zbekiston-Ozarbayjon Do'stlik jamiyati "Kitob dunyosi" o'zbek adabiy-madaniy gazetasi bilan birgalikda Ozarbayjon Milliy Majlisi Madaniyat bo'yicha qo'mita raisi Ganira Pashayevaning "O'zbekiston qadam-baqadam" nomli yangi kitobining onlayn taqdimotini o'tkazdi.

Taqdimotda O'zbekistonning taniqli davlat arboblari, madaniyat, adabiyot, fan arboblari, har ikki mamlakat yozuvchilari ishtirok etdi.

Tadbirni O'zbekistondagi Haydar Aliyev nomidagi Ozarbayjon Madaniyat Markazi direktori Samir Abbosov ochib, Ozarbayjon va O'zbekiston o'rtasidagi tarixiy do'stlik va qardoshlik, ikki tomonlama hamkorlikni rivojlantirishda Prezident Ilhom Aliyev va O'zbekiston Prezidenti Shavkat Mirziyoyev o'rtasidagi uchrashuvlarning o'rni haqida gapirdi. Ganira Pashayevaning Ozarbayjon va O'zbekiston, shuningdek, umuman turkiy davlatlar va jamoalar o'rtasidagi do'stlik va qardoshlik aloqalarini mustahkamlash yo'nalishidagi faoliyati haqida gapirar ekan, Ganira xonimning O'zbekistonga tashrifini yodga oldi. S. Abbosov "O'zbekiston qadam-baqadam" kitobining asosiy qismlari aynan safar taassurotlari ekanini ta'kidladi. Uning aytishicha, kitob qardosh o'lkada katta qiziqish va muhabbat uyg'otgan.

O'zbekistonning Ozarbayjondagi elchisi Bahrom Ashrafxonov O'zbekiston va Ozarbayjon o'rtasidagi oliy darajadagi munosabatlar haqida so'zlar ekan, Ganira xonim Pashayevaning "O'zbekiston qadam-baqadam" kitobi O'zbekiston Respublikasi Prezidenti Shavkat Mirziyoyev e'lon qilgan "Yangi O'zbekiston" harakati va islohotlarga ulkan hissa ekanligini, O'zbekistonning Turk dunyosida tanilishiga xizmat qilishini ta'kidladi. Elchi kitobni O'zbekiston va Ozarbayjon o'rtasidagi madaniy aloqalarni mustahkamlash yo'lida lokomotiv deb ta'rifladi. Turkiy xalqlar o'rtasidagi do'stona munosabatlarni yanada kengaytirish va bunday loyihalarni amalga oshirish O'zbekiston davlatining bevosita diqqat-e'tiborida ekanini qayd etdi.

Elchi O'zbekistonning qardosh Ozarbayjon bilan aloqalari barqaror rivojlanayotganidan mamnunligini bildirib, O'zbekiston haqida bunday ahamiyatli hissa uchun Ganira Pashayevaga minnatdorlik bildirdi va uni O'zbekistonga yangi safarga taklif qildi.

O'zbekiston Madaniyat vaziri yordamchisi olim Ma'rufjon Yuldashev, O'zbekiston - Ozarbayjon Do'stlik jamiyati ijrochi direktori, professor Erkin Nuriddinov Ganira xonim Pashayevaning "O'zbekiston qadam-baqadam" kitobini yuqori baholab, kitob O'zbekistonda juda mashhur ekanini, O'zbekiston haqida hech qachon yozilmagan qiziqarli lahzalarga to'xtalganini ta'kidladilar.

Onlayn taqdimotda O'zbekiston Milliy Fanlar Akademiyasi til, adabiyot va folklor instituti dotsenti Gulnoz Sattarova, Alisher Navoiy nomidagi Toshkent davlat O'zbek Tili va adabiyoti universiteti professori, Fuzuliy nomidagi Ozarbayjon markazi direktori Gulbaxar Ashurova, taniqli o'zbek olimi – adabiyotshunos, tarjimon Boboxon Sharif, Milliy Majlis Madaniyat Komiteti eksperti, "Alash" xalqaro adabiy mukofoti laureati Akbar Qo'shali, Ozarbayjon huquqiy va iqtisodiy ta'lim regional jamoat birlashmasi raisi Arzu Bagirova, Jahon yosh turkiy Yozuvchilar uyushmasi rahbari, shoir Intigam Yashar, "Adabiyot gazetasi" bo'lim rahbari, shoir Sarvaz Huseynog'lu O'zbekiston qomusiy bilimlari va safar taassurotlar asosida yozilgan kitob qardosh o'lkaning, Markaziy Osiyo va turkiy dunyosining yetakchi mamlakatlaridan biri, boy madaniyat va an'analarga ega O'zbekiston haqida atroflicha ma'lumot bergan manba ekanini ta'kidladilar. Ular nashrda O'zbekistonning Turk Kengashiga a'zo bo'lishi, hamkorlikning yangi imkoniyatlari, Ozarbayjon bilan aloqalar, mamlakat viloyatlari, madaniyati, mashhur shaxslari, tarixiy shaharlari haqida keng va qiziqarli ma'lumotlar o'z aksini topganiga alohida baho berdilar.

Xulosa qilib aytganda, Ozarbayjon Milliy Majlisi Madaniyat qo'mitasi raisi Ganira xonim Pashayeva Ozarbayjon va O'zbekiston o'rtasidagi munosabatlarni kundan kunga rivojlanishi va kengayishidan mamnunligini bildirib, bu boradagi muvaffaqiyatli siyosati uchun Prezident Ilhom Aliyev va Prezident Shavkat Mirziyoyevga minnatdorlik bildirdi.

Ganira Pashayeva Oliy Bosh qo'mondon, Prezident Ilhom Aliyev rahbarligida Ozarbayjon armiyasi tomonidan 30 yil davomida arman ishg'oli ostida bo'lgan yerlarimizni ozod qilish, tarixiy adolat tantanasi, vayron bo'lgan shahar va qishloqlarni tiklash uchun katta ishlarni amalga oshirish milliy g'urur tuyg'usi uchun yangi asos deya izohladi.

U Ozarbayjon madaniyatining poytaxti deb e'lon qilingan Shushada ulkan madaniy-adabiy tadbirlarning amalga oshirilishidan mamnunligini bildirib, shuningdek, kelajakda Qorabog'da bo'lib o'tadigan tadbirlarda turkiy dunyo mamlakatlari, jumladan, O'zbekistonning ham yaqin ishtirokidan behad xursand bo'lishini qayd etdi.

Muallif kitobni yaratishda ko'rsatilayotgan ko'maklarda Ozarbayjon va o'zbek olimlarining e'tirofiga urg'u berib, ularning O'zbekistonga qilgan sayohatlari, ko'plab uchrashuvlar, qiziqarli voqealarni chuqur mehr bilan eslashini ta'kidladi. Tashrif davomida Ozarbayjonga, xalqimizga yuksak ehtirom ko'rsatilganini, O'zbekistonning barcha burchaklarida ozarbayjonliklarga alohida mehmondo'stlik va mehr-muhabbat ko'rsatilganini mamnuniyat bilan qayd etdi.

Ganira xonim Pashayeva qardosh O'zbekistonga, uning boy tarixi va madaniyatiga katta qiziqish bildirayotgani, turkiy dunyoning yetakchi davlatlaridan biri-O'zbekiston bilan hamkorlik va aloqalarni yanada kengaytirish masalasiga katta ahamiyat berayotganini ta'kidladi. Bu yo'nalishda madaniyat arboblari, yoshlarimiz, shuningdek, xalq diplomatiyasining alohida o'rni borligini ta'kidlagan G. Pashayeva Ozarbayjonda ham, O'zbekistonda ham muhim loyihalar oldinda ekanini e'tirof etdi.

22.09.2021

SO'NGI YANGILIKLAR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© © 2013 - 2018 Азербайджанский Культурный Центр имени Гейдара Алиева при посольстве Азербайджана в Узбекистане
Узбекистан, г. Ташкент, Мирабадский р-н, ул. Гейдара Алиева 9
Тел.: (+99871) 293 53 56; (+99871) 293 52 89
E-mail: culcenter.az@gmail.com
Студия Progint