XABARLAR 2022
“Xo‘p-xo‘pnoma”ning o‘zbekcha nashrining taqdimoti bo‘lib o‘tdi.
O‘zbekistondagi Haydar Aliyev nomidagi Ozarbayjon Madaniyat Markazi va Ozarbayjon Milliy Fanlar Akademiyasining Nizomiy Ganjaviy nomidagi adabiyot instituti hamkorligida Mirzo Alakbarning O‘zbekistonda chop etilgan “Xo‘p-xo‘pnoma”sining taqdimoti o‘tkazildi. Taqdimot Boku Ekspo markazida 8-Boku Xalqaro Kitob ko‘rgazmasi doirasida bo‘lib o‘tdi.
O‘zbekistondagi Haydar Aliyev nomidagi Ozarbayjon Madaniyat Markazi direktori Samir Abbasov ushbu nashr Markaz tomonidan O‘zbekistonning barcha kutubxonalari, universitetlari, ilmiy-tadqiqot muassasalariga hadya qilinishini ta'kidladi.
Tadbirda OMFA vitse-Prezidenti, adabiyot instituti Bosh direktori Isa Habibbeyli ikki mamlakat o‘rtasidagi adabiy va madaniy aloqalar haqida so‘zlab berdi: "So‘nggi yillarda Ozarbayjon-O‘zbekiston munosabatlari yangi bosqichda rivojlanmoqda. Ozarbayjon-o‘zbek adabiy aloqalarining rivojlanishiga O‘zbekistonning mamlakatimizdagi va Ozarbayjon Respublikasidagi elchixonalari hamda Haydar Aliyev nomidagi Ozarbayjon Madaniyat Markazi katta ko‘mak bermoqda. Samir Abbasovning tashabbusi tufayli Ozarbayjon adabiyotining yuzdan ortiq namunalari o‘zbek tiliga tarjima qilindi va nashr etildi. Yaqinda nashr etilgan asarlardan biri Mirzo Alakbar Sobirning "Xo‘p-xo‘pnoma"si, shuningdek, Shoh Ismoil Xatoiyning ona tilidagi "Devon"ining Toshkent nusxasi“dir.
Tadbirda O‘zbekistonning Termiz Davlat Universiteti prorektori, Nizomiy Ganjaviy nomidagi Adabiyot institutining doktoranti Obidjon Shofiyev, o‘zbek shoirasi, "Kitob dunyosi" gazetasi bosh muharriri Xosiyat Rustam va Nasimiy nomidagi Tilshunoslik instituti Bosh direktori, professor Nodir Mammadli, filologiya fanlari doktori, professor Ismoil Mammadlilar o‘z chiqishlarida nashrning ahamiyati haqida gapirib o‘tdilar.
08.10.2022