XABARLAR 2022
O'zbekiston Xalq shoiri Jamol Kamol bilan uchrashuv bo'lib o'tdi, shoir Ozarbayjon Madaniyat vazirligining “Nizomiy Ganjaviy”ko'krak nishoni bilan taqdirlandi.
O'zbekistondagi Haydar Aliyev nomidagi Ozarbayjon Madaniyat Markazi direktori Samir Abbosov O'zbekiston Xalq shoiri Kamol Jamol bilan uchrashib, unga “Nizomiy Ganjaviyning 880 yilligi” esdalik nishoni va sertifikatini taqdim etdi.
Ozarbayjon Madaniyat Markazi tashabbusi bilan buyuk Ozarbayjon shoiri Nizomiy Ganjaviyning "Xamsa" to'plamiga kiritilgan beshta asarini o'zbek tiliga tarjima qilgan O'zbekiston Xalq shoiri Jamol Kamol ushbu mukofotga Ozarbayjon Madaniyat vaziri Anar Kerimov tomonidan loyiq ko'rildi.
Haydar Aliyev nomidagi Ozarbayjon Madaniyat Markazi direktori Samir Abbosov dunyoga mashhur Ozarbayjon klassiklari asarlarini o'zbek tiliga tarjima qilib, o'z ona tilida kitobxonlarga yetkazgani uchun o'zbek shoiriga minnatdorlik bildirdi. Diplomat 2021 yil Ozarbayjon Respublikasi Prezidenti tomonidan "Nizomiy Ganjaviy yili" deb e'lon qilingani va shoirning "Xamsa"sini o'zbek tiliga tarjima qilish bu yil uchun juda yaxshi hissa ekanligini ta'kidladi.
Jamol Kamol o'z so'zida jahon adabiyoti dahosi, Ozarbayjon xalqining faxri Nizomiy Ganjaviyning "Xamsa"sini ilk bor o'zbek tiliga tarjima qilgani va Ozarbayjon davlati tomonidan shunday yuksak mukofot bilan taqdirlanganidan o'zini baxtiyor deb bilishini, kelajakda sog'lig'i imkon bersa, Ozarbayjon she'riyati darg'alari ijodiga murojaat qilishini bildirdi.
So'ngra O'zbekiston Xalq shoiri Jamol Kamolga Madaniyat vazirligining "Nizomiy Ganjaviy" ko'krak nishoni taqdim etildi.
16.02.2022