XABARLAR 2024
Ozarbayjon olimlari O‘zbekiston milliy musiqa san’ati instituti va Sharqshunoslik universitetiga tashrif buyurdilar.
O‘zbekistondagi Haydar Aliyev nomidagi Ozarbayjon Madaniyat Markazining tashkilotchiligi bilan O‘zbekistonda safarda bo‘lgan Ozarbayjon davlat pedagogika universiteti (ODPU) xalqaro aloqalar bo‘yicha prorektori, filologiya fanlari doktori, professor Mohira Husaynova Yunus Rajabiy nomidagi O‘zbekiston milliy musiqa san’ati institutining prorektori Davlat Ximbatov bilan uchrashdi.
O‘zbekistondagi Haydar Aliyev nomidagi Ozarbayjon Madaniyat Markazining ko‘magi bilan o‘tkazilgan uchrashuvda Ozarbayjon davlat pedagogika universiteti Hozirgi Ozarbayjon tili kafedrasi mudiri, dotsent Ko‘ngil Samadova ham ishtirok etdi.
Davlat Ximbatov mehmonlarni samimiy salomlab, yangi ochilgan Maqom Instituti haqida ma’lumot berdi, bu oliy maqom maktabida muallim va talabalarga yaratilgan sharoit haqida so‘z ochdi. Prorektor davlatlarimiz orasida barcha sohalarda bo‘lgan munosabatlar haqida so‘z yuritib, o‘tgan yili O‘zbekiston Prezidenti Shavkat Mirziyoyevning Ozarbayjonga, bu yil yozda esa Ozarbayjon Prezidenti Ilhom Aliyevning O‘zbekistonga qilgan tashriflari aloqalarimizning yanada mustahkamlanishiga imkon berganini ta’kidladi.
Mohira Husaynova Jizzax universitetining 50 yilligi munosabati bilan tashkil etilgan konferensiyada ishtirok etish uchun O‘zbekistonga kelganini aytib o‘tdi. Tadbirdan keyin Toshkentdagi bir necha universitetda uchrashuvlar o‘tkazdi. “Har joyda hurmat bilan, mehribonlik bilan qarshi olishdi, O‘zbek xalqi juda olovqalbdir, hamda biz qardosh xalqlarmiz, tilimiz, dinimiz, madaniyatimiz, odat-an’analarimiz o‘xshashdir. Folklorimiz, adabiyotimiz ham juda yaqindir. Hali qadim zamonlardan olimlarimiz, shoirlarimiz do‘stlik aloqalarini o‘rnatganlar, bu do‘stlik va qardoshlik esa bugungi kunimizgacha yetib keldi”, - deydi Mohira Husaynova.
M.Husaynova bildirdiki, 2023-yilda O‘zbekiston Prezidenti Shavkat Mirziyoyev Ozarbayjonga safari doirasida Qorabog‘ga ham tashrif buyurgan va Ozarbayjon Prezidenti bilan birga Fuzuliyda O‘zbekistonning ko‘magi bilan qurilgan Mirzo Ulug‘bek nomidagi umumta’lim maktabning ochilishida ishtirok etgan. Bu ham o‘lkalarimiz va xalqlarimiz o‘rtasida do‘stlikning va qardoshlikning yaqqol isbotidir.
Keyin Mohira Husaynova Toshkent davlat sharqshunoslik universitetiga ham tashrif buyurdi, Ozarbayjon Madaniyati Markazining tashabbusi bilan bu yerda yaratilgan “Ozarbayjonshunoslik Markazi” bilan tanishdi, markazga o‘z kitoblarini taqdim etdi.
11.10.2024
