XƏBƏRLƏR 2019
Universitetdə Novruz şənliyində Heydər Əliyev adına Azərbaycan Mədəniyyət Mərkəzi də iştirak edib.
Daşkənddəki İrriqasiya və Kənd Təsərrüfatının Mexanizasiyası Universitetində keçirilən Novruz şənliyində Heydər Əliyev adına Azərbaycan Mədəniyyət Mərkəzi də iştirak edib.
Azərbaycan Mədəniyyət Mərkəzinin nümayəndəsi Nadir Əlimirzəyev Özbəkistan, Azərbaycan və digər türkdilli xalqların milli bayramı olan Novruz haqqında danışıb. O, ölkəmizdə bu əziz bayramın qeyd olunması, Novruz adət-ənənələri barədə məlumat verib, bu bayramın xalqlarımızı birləşdirdiyini qeyd edib.
N.Əlimirzəyev Azərbaycanda olduğu kimi, Özbəkistanda, habelə digər türkdilli ölkələrdə də baharın gəlişinin təntənəli şəkildə geniş qeyd olunduğunu vurğulayıb.
Sonra tədbir geniş konsert proqramı ilə davam edib, müxtəlif xalqların mahnı və rəqsləri ifa edilib, uşaqlar Novruz haqqında şerlər söyləyib, rəqs ediblər. Mədəniyyət Mərkəzinin nəzdindəki “Azərbaycan qızları” rəqs ansamblının üzvləri bir-birindən gözəl milli rəqslərimizi təqdim edib.
30.03.2019