XƏBƏRLƏR 2019
Özbəkistan Dövlət Konservatoriyasında ulu öndər Heydər Əliyevə həsr olunmuş “Ayrılarmı könül candan-Azərbaycan!” adlı möhtəşəm konsert keçiriləcəkdir.
Cari il 21 may tarixində Özbəkistan Dövlət Konservatoriyasında Azərbaycan xalqının ümummilli lideri Heydər Əliyevin əziz xatirəsinə həsr olunmuş “Ayrılarmı könül candan-Azərbaycan!” adlı möhtəşəm konsert proqramı keçiriləcəkdir.
Azərbaycanın Özbəkistandakı Səfirliyi, Səfirliyin nəzdindəki Heydər Əliyev adına Azərbaycan Mədəniyyət Mərkəzinin təşkilatçılığı ilə keçirilən konsertdə Azərbaycan Respublikasının xalq artisti Gülnaz İsmayılova, əməkdar artistlər Anar Şuşalı, beynəlxalq müsabiqələr laureatları Ərəstun Quliyev klassik Azərbaycan musiqilərini ifa edəcəklər. Tanınmış musiqiçilər, əməkdar artistlər İslam Manafov, Turan Manafzadə, beynəlxalq müsabiqələr laureatları Fəqan Həsənli, Abuzər Manafzadə fortepianoda milli musiqilərimizi ifa edəcəklər. Konsert proqramının repertuarında dünya şöhrətli Azərbaycan bəstəkarları Üzeyir Hacıbəyovun “Sənsiz”, “Cəngi”, Fikrət Əmirovun “Azərbaycan elləri”, Rauf Hacıyevin “Azərbaycan”, Muslim Magomaev. “Ey əziz anam, Azərbaycan!, Asəf Zeynallının «Ölkəm”, Tofiq Quliyevin “Qızıl üzük”, “Sənə də qalmaz”, Abuzər Manafzadənin “Xocalıya” və başqa əsərlər yer alıb.
Tədbirdə dövlət və hökümət nümayəndələri, Özbəkistanda akreditə olunmuş xarici ölkələrin səfirləri, diplomatları, ictimaiyyət nümayəndələri, mədəniyyət, incəsənət xadimləri, yerli azərbaycanlılar, jurnalistlər iştirak edəcəklər.
Qeyd edək ki, tədbir Özbəkistan televiziyaları tərəfindən işıqlandırılacaq, konsertdə ifa olunacaq Azərbaycan klassik əsərlərinin bütün nömrələri təbliğat məqsədi ilə Özbəkistandakı Heydər Əliyev adına Azərbaycan Mədəniyyət Mərkəzinin “Youtube.com” kanalında yerləşdiriləcəkdir.
13.05.2019