XƏBƏRLƏR 2019
Heydər Əliyev adına Azərbaycan Mədəniyyət Mərkəzində azərbaycanlı uşaqlar üçün Yeni il şənliyi keçirilib.
Özbəkistandakı Heydər Əliyev adına Azərbaycan Mədəniyyət Mərkəzi Daşkənddə yaşayan azərbaycanlı uşaqlar üçün Yeni il şənliyi keçirib.
Azərbaycan Mədəniyyət Mərkəzində təşkil olunan şənlikdə 150-yə yaxın azərbaycanlı uşaq və valideyinləri iştirak edib.
Mərkəzin əməkdaşı Kifayət Pirməmmədova uşaqları Yeni il bayramı münasibətilə təbrik edib, onlara yaxşı oxumağı, xoşbəxt həyat sürməyi arzulayıb.
Sonra səhnələşdirilmiş bayram tamaşası göstərilib, Şaxta baba və Qar qız təxminən iki saat ərzində uşaqları əyləndiriblər.
Şənlikdə uşaqlar mahnı oxuyub, rəqs ediblər. Mədəniyyət Mərkəzinin “Azərbaycan qızları” rəqs ansamblının üzvləri milli rəqslərimizi təqdim edib.
Şənliyin sonunda uşaqlara Yeni il hədiyyələri təqdim edilib.
28.12.2019