Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat
Az   |   Рус

XƏBƏRLƏR 2019

XƏBƏRLƏR 2019
  • bg1
  • bg2
  • bg3
  • bg4
  • bg5
  • bg6
  • bg7
  • bg8
  • bg9
1 2 3 4 5 6 7 8 9
html5 slider by WOWSlider.com v8.8

Özbəkistanın “Dunyo boylab” telekanalı Azərbaycana dair geniş veriliş yayımlayıb.

Özbəkistanın “Dunyo boylab” telekanalının Özbək dilində redaksiyası xarici ölkələrinin mədəniyyətinə həsr olunan proqramlar silsiləsindən Azərbaycana dair “Kamalakdek Serjilo” adlı veriliş yayımlayıb.

Qeyd edək ki, veriliş ötən ilin iyul ayında Özbəkistanda Heydər Əliyev adına Azərbaycan Mədəniyyət Mərkəzinin təşkilatçılığı ilə Azərbaycana reallaşdırılmış “Mediatur” zamanı lentə alınmışdır.

Verilişin müəllifi Özbək jurnalist Gülsarə Saqatxanova öncə Azərbaycan haqqında geniş məlumat verərək, ölkəmizin Qafqazın parlayan ulduzu, abad və stabil inkişaf edən məmləkətə çevrildiyini qeyd edir.

Proqramda öz gözəlliyi və böyüklüyü ilə regionda fərqlənən paytaxt Bakı şəhəri, onun tarixi, görməli yerləri haqqında söhbət açılıb. Müəllif, “Şəhidlər Xiyabanı”, “Əbədi alov” abidəsi, paytaxtın dənizkənarı parkdan görünüşünü şərh edərək, YUNESKO-nun qeyri-maddi irs siyahısına daxil edilmiş “İçəri şəhər”, “Qız qalası” və başqa memarlıq abidələri haqqında məlumat verib.

Aparıcı Gülsarə Saqatxanova Azərbaycan xalqının zəngin mədəniyyətini, tarixini və istedadını nümayiş etdirən Azərbaycan xalçalarına verilişdə xüsusi yer ayırıb, Xalça muzeyində ölkəmizin regionlarına xas olan xalçaları nümayiş etdirərək onların fərqli xüsusiyyətlərini izah edib.

Azərbaycan tarixinə işıq salan Dövlət tarix Muzeyi və onun eksponatları verilişdə xüsusi işıqlandırılmışdır. Muzeyin tarixi barədə danışan jurnalist burada 300-ə yaxın eksponatın saxlanıldığını və Muzeyin kitabxanasının olduğunu söyləyir.

Bakı şəhərində “Venesiya şəhərciyi”ni xüsusi maraqla təqdim edən Özbək kanalı XX əsrin 50-ci illərində yaradılan bu ecazkar məkanın şəhərin istirahət marşurutları içərisində turistləri özünə cəlb etdiyini qeyd edir.

Müəllif Gülsarə Saqatxanova Azərbaycanın regionları, habelə gözəl təbiəti, füsunkar iqlimi ilə turizm mərkəzinə çevrilən İsmayıllı rayonuna səfərdən söhbət açır. İsmayıllı rayonunda yerləşən və sənətkarlığın mərkəzi olan Lahıc qəsəbəsinə səyahəti geniş işıqlandıran müəllif qeyd edir ki, azərbaycanlılar Lahıcı məmləkətin misgərlik səltənəti adlandırırlar.

21.01.2019

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası