Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat
Az   |   Рус

XƏBƏRLƏR 2019

  • bg1
  • bg2
1 2
html5 slider by WOWSlider.com v8.8

Özbəkistanda Azərbaycanla bağlı keçiriləcək “İlin ən yaxşı məqaləsi və televiziya verilişi” müsabiqəsinə Özbəkistan Milli Mətbuat Agentliyi iştirak edəcək.

Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasovla bu ölkənin Milli Mətbuat Agentliyinin baş direktoru Abdusaid Koçimov arasında görüş keçirilib.

Milli Mətbuat Agentliyində keçirilən görüşdə tərəflər iki ölkə arasında mətbuat -informasiya sahəsində əməkdaşlıq əlaqələri, ötən illərdə həyata keçirilən işlər, layihələr və gələcək əməkdaşlıq məsələlərini müzakirə etmişlər.

Özbəkistan Milli Mətbuat Agentliyinin baş direktoru Abdusaid Koçimov son zamanlar Özbəkistanda həyata keçirilən işlər, Özbəkistan-Azərbaycan dostluğu haqqında danışaraq, iki ölkə arasında sıx əməkdaşlıq əlaqələrinin mövcud olduğunu qeyd edib. O, Azərbaycan Milli Mətbuat Şurası, Azərbaycan Dövlət İnformasiya Agentliyi ilə əməkdaşlıq əlaqələrinin genişləndirilməsi, bu istiqamətdə gələcəkdə Memorandumun imzalanması və s. məsələlər haqqında təkliflərini bildirib.

Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov Azərbaycan-Özbəkistan əlaqələrinin inkişafı barədə danışaraq iki ölkə arasında əlaqələrin inkişafında mətbuatın böyük rolu olduğunu qeyd edib.

S.Abbasov Azərbaycanın son illər əldə etdiyi nailiyyətlər, Prezident İlham Əliyevin rəhbərliyi ilə ölkəmizin həyata keçirdiyi nəhəng layihələr barədə məlumat verib. Diplomat Ermənistan-Azərbaycan, Dağlıq Qarabağ münaqişəsi, Azərbaycan torpaqlarının Ermənistan tərəfindən işğalı, bir milyon azərbaycanlının öz torpaqlarından qaçqın düşməsi və s. haqqında danışmış, Azərbaycan həqiqətlərinin dünyaya, qarşı tərəfə çatdırılmasında mətbuatın üzərinə böyük vəzifələr düşdüyünü qeyd edib.

S.Abbasov Özbəkistan Milli Mətbuat Agentliyinə Azərbaycan Milli Mətbuat Şurası, Azərbaycan Dövlət İnformasiya Agentliyi ilə əməkdaşlığa dair Memorandumun imzalanması təklifi məqsədi ilə müvafiq iş aparılacağını söyləyib. O, Özbəkistandakı Heydər Əliyev adına Azərbaycan Mədəniyyət Mərkəzi tərəfindən 2013-cü ildən hər il Azərbaycan haqqında, habelə Azərbaycan-Özbəkistan dostluğunun təbliğinə dair keçirilən “İlin ən yaxşı məqalə və televiziya verilişi” müsabiqəsində tərəfdaş kimi Özbəkistan Milli Mətbuat Agentliyinin iştirakı barədə təklif irəli sürüb və təklifi Özbək tərəfi qəbul edib.

S.Abbasov baş direktor A. Koçimova Azərbaycan Mədəniyyət Mərkəzinin həyata keçirdiyi digər nəşr layihələri barədə məlumat verərək, xalqımızın zəngin mədəniyyəti, qədim tarixini və istedadını nümayiş etdirən Azərbaycan xalçaçılıq məktəbinin şedevri olan “İrəvan xalçaları” kitabını hədiyyə edib, səmimi münasibət və yüksək qəbul üçün ona öz təşəkkürünü bildirib.

28.01.2019

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası