XƏBƏRLƏR 2019
Azərbaycan və Özbək alimlərinin iştirakı ilə Bakıda “İmadəddin Nəsimi və Özbək ədəbiyyatı” Beynəlxalq Konfrans keçiriləcəkdir.
2019-cu ilin Azərbaycan Respublikası Prezidenti cənab İlham Əliyev tərəfindən
ölkədə “Nəsimi ili” elan edilməsi, habelə Özbəkistandakı Heydər Əliyev adına
Azərbaycan Mədəniyyət Mərkəzinin 2019-cu il üçün iş planına əsasən il ərzində dahi
Azərbaycan şairi İmadəddin Nəsimiyə həsr olunmuş silsilə tədbirlərin keçirilməsi
planlaşdırılıb.
Daşkənddəki Azərbaycan Mədəniyyət Mərkəzindən verilən məlumata görə “Nəsimi
ili” münasibəti ilə dahi şair, mütəfəkkir İmadəddin Nəsiminin qəzəlləri özbək dilinə
tərcüməsi həyata keçirilmiş və “Жононни севарман” adlı kitab Daşkənddə çap edilib.
Cari il 28 mart tarixində saat 12:00-da Özbəkistandakı Azərbaycan Mədəniyyət
Mərkəzinin, Azərbaycanın “Kaspi” qəzeti və təhsil şirkətinin birgə layihəsi ilə Bakıda
Beynəlxalq Mətbuat Mərkəzində Azərbaycan və Özbək alimlərinin iştirakı ilə “İmadəddin
Nəsimi və Özbək Ədəbiyyati” adlı beynəlxalq elmi konfrans keçiriləcəkdir.
Beynəlxalq Elmi Konfransda çoxsaylı məruzələr dinləniləcəkdir. “Azərbaycan
ədəbi dilinin inkişafında İmadəddin Nəsiminin rolu” mövzusunda AMEA-nın Dilçilik
İnstitutunun direktoru, akademik Möhsün Nağısoylu, “İmadəddin Nəsiminin əsərləri
özbək dilində” mövzusu üzrə Özbək alim, tərçüməçi Tahir Qahhar, “İmadəddin Nəsimi
sözünün qüdrəti” mövzusu üzrə filologiya üzrə fəlsəfə doktoru Sona Vəliyeva, “XV əsr
özbək ədəbiyyatında Nəsimidən bəhrələnmələr” mövzusu üzrə filologiya üzrə fəlsəfə
doktoru, dosent, Səadət Şıxıyeva, “İmadəddin Nəsimi və folklor” mövzusu üzrə
AMEA-nın müxbir üzvü, Əməkdar elm xadimi Kamran Əliyev, “Azərbaycan-Özbəkistan
ədəbi əlaqələri İmadəddin Nəsimi yaradıcılığı kontekstində” mövzusu üzrə
Özbəkistandakı Heydər Əliyev Mərkəzinin direktoru Samir Abbasov, “İmadəddin
Nəsimi və özbək ədəbiyyatı” mövzusu üzrə Özbək tarixçi alim Şuxrat Salamov,
“İmadəddin Nəsiminin fəlsəfəsi” mövzusu üzrə AMEA Fəlsəfə İnstitutunun elmi işlər
üzrə direktor müavini, fəlsəfə üzrə fəlsəfə doktoru Eynulla Mədətli məruzələrlə çıxış
edəcəklər.
12.03.2019