Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat
Az   |   Рус

XƏBƏRLƏR 2020

  • bg1
  • bg2
  • bg3
  • bg4
  • bg5
  • bg6
  • bg7
  • bg8
1 2 3 4 5 6 7 8
html5 slider by WOWSlider.com v8.8

Vətən müharibəsi şəhidlərinin əziz xatirəsi Daşkənddə də anılıb.


Dekabrın 4-də saat 12:00-də Azərbaycanın Özbəkistandakı səfirliyi bu qurumun nəzdindəki Heydər Əliyev adına Azərbaycan Mədəniyyət Mərkəzi ilə birgə mərkəzin binası qarşısındakı Ulu Öndərin abidəsi önündə Vətən müharibəsi şəhidlərinin əziz xatirəsini anma mərasimi keçirib.

Mərasimdə səfirliyin və Mədəniyyət Mərkəzinin əməkdaşları, Daşkənddə yaşayan bir qrup soydaşımız iştirak edib.

Əvvəl şəhidlərimizin xatirəsi bir dəqiqəlik sükutla yad olunub, ölkəmizin Özbəkistandakı səfiri Hüseyn Quliyev və digər iştirakçılar Ulu Öndər Heydər Əliyevin abidəsi, Şuşanın rəmzi sayılan “Xarı Bülbül” pannosu və müharibə səhnələrini əks etdirən plakatların önünə çiçək dəstələri qoyub.

Hüseyn Quliyev 44 günlük Vətən müharibəsi, torpaqlarımızın erməni işğalından azad edilməsi uğrunda Azərbaycanın böyük qələbəsi haqqında danışıb. Diplomat vurğulayıb ki, Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə Füzuli, Zəngilan, Qubadlı, Cəbrayıl rayonları, kəndlərimiz, bir sıra strateji yüksəkliklər azad edildikdən sonra qədim Şuşa şəhəri də döyüşlə həqiqi sahibinə qaytarılıb.

Səfir Azərbaycan Prezidenti İlham Əliyevin, Ermənistanın baş naziri Nikol Paşinyanın və Rusiya Federasiyasının Prezidenti Vladimir Putinin noyabrın 10-da imzaladıqları birgə Bəyanat haqqında da söhbət açıb, bu razılaşmaya uyğun olaraq, artıq Ağdam, Kəlbəcər və Laçın rayonları qan tökmədən və şəhid vermədən işğaldan azad edildiyini vurğulayıb.

Diplomat deyib ki, müharibədə Azərbaycanın 2783 hərbi qulluqçusu şəhid olub, 1245 əsgər və zabit yaralanıb.

Səfir Azərbaycanın ərazi bütövlüyü uğrunda həlak olan şəhidlərin ruhuna Allahdan rəhmət, yaralananların isə tezliklə sağalmasını arzulayıb.

04.12.2020

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası