Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat
Az   |   Рус

XƏBƏRLƏR 2020

  • bg1
  • bg2
  • bg3
  • bg4
  • bg5
1 2 3 4 5
html5 slider by WOWSlider.com v8.8

Özbəkistanda Qarabağa dair daha bir layihə - Üzeyir Hacıbəyli haqqında
Özbək dilində virtual bölmə istifadəyə verildi.


Cari ilin fevral ayında Özbəkistandakı Heydər Əliyev adına Azərbaycan Mədəniyyət Mərkəzi “Qarabağ - Azərbaycan mədəniyyətinin beşiyi” adlı layihəyə start vermişdir. Layihə əsasında Özbəkistanda Qarabağa dair çoxsaylı tədbirlər, müsabiqələr keçirilməkdə, nəşrlər və filmlər tərcümə, habelə dubliyaj edilməkdə, təqdimatlar reallaşdırılmaqda, informasiya agentliklərində, yerli sayt və qəzetlərdə bu mövzuda məqalələr dərc edilməkdə, virtual məkanda isə özbək dilində bölmələr, məlumat mənbələri yaradılmaqdadır.

Azərbaycan Mədəniyyət Mərkəzinin növbəti layihəsi ilə Azərbaycanın Qarabağ diyarının dünya şöhrətli yetirməsi, adı mədəniyyət tariximizdə qızıl hərflərlə yazılan, dahi bəstəkar, peşəkar musiqi sənətimizin və milli operamızın banisi, musiqişünas alim, publisist, dramaturq, pedaqoq və ictimai xadim Üzeyir Hacıbəyov haqqında Özbək dilində geniş bölmə Vikipedia Elektron Ensiklopediyasında istifadəyə verilib.

Yaradılmış bölmədə qeyd olunur ki, Azərbaycan milli musiqisi, mədəniyyəti bugün öz inkişaf zirvəsinə görə dahi Üzeyir Hacıbəyova borcludur. O, həyatı boyu Azərbaycan musiqisini inkişaf etdirib, milli opera sənətinin və operettanın əsasını qoyub, dram əsərləri, felyetonlar, elmi-publisist məqalələr, dərsliklər yazıb, çoxsaylı tərcümələr edib, Azərbaycanda musiqi təhsilinin banilərindən biri olub, musiqi mədəniyyətininin inkişafında böyük xidmətlər göstərərək milli kadrların hazırlanmasına, musiqi kollektivlərinə və məktəblərinə rəhbərlik edib, ictimai işlərdə fəal çalışaraq öz adı ilə əbədiyyət qazanmış dahi şəxsiyyətdir.

Bölmədə Üzeyir Hacıbəyovun həyatı, onun Qarabağda, Şuşada keçirdiyi illər, Qori seminariyasında təhsil alması, yaradıcılığı, publisistikası, yaratdığı ölməz əsərlər, musiqili komediyalar, operalar, habelə onun fimoqrafiyası, haqqında çəkilmiş filmlər, Elmlər Akademiyasında fəaliyyəti, Azərbaycanda keçirilən “Üzeyir musiqi günü”, dahi şəxsiyyət haqqında nəşrlər, ədəbiyyat, mənbələr öz əksini tapmışdır. Bundan başqa, bölmədə Üzeyir bəyin həyat və yaradıcılığına dair maraqlı fotoşəkillər, afişalar, not yazıları, Azərbaycanda buraxılmış poçt markaları verilmişdir.

Virtual məkanda yaradılmış bu bölmədə Azərbaycan xalqının ümummilli lideri Heydər Əliyevdən sitat yerləşdirilmişdir: “Üzeyir Hacibəyov istisna qabiliyyəti, görünməmiş fədakarlığı, gözəl təhsili, erudisiyası, vətənpərvərliyi, fəal ictimai - siyasi fəaliyyəti sayəsində xalqımızın ehtiram bəslədiyi ən görkəmli yaradıcı simalardan birinə çevrilib. O, dünya korifeylərinin ön sırasında Azərbaycanı ləyaqətlə təmsil edir.” Məlumatda prezident İlham Əliyevin fikirlərinə yer verilir. “Üzeyir Hacıbəyli Azərbaycan klassik musiqisinin banisi, Azərbaycan Konservatoriyasının qurucusudur. Üzeyir Hacıbəyli, eyni zamanda, Azərbaycanda çox güclü klassik musiqi məktəbini yaratmışdır. Dahi bəstəkarımız Azərbaycan milli himninin müəllifidir. Onun ölməz əsərləri bu gün də yaşayır.” Deyə ölkə başçısı vurğulayır.

Özbək istifadəçilərinə məlumat verilir ki, 2019-cu ildə Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva Üzeyir Hacıbəylinin zəngin irsinin qorunub saxlanılması və gələcək nəsillərə çatdırılmasına verdiyi əvəzsiz töhfələrə görə Azərbaycan Bəstəkarlar İttifaqının təsis etdiyi “Üzeyir Hacıbəyli” fəxri medalı ilə təltif edilib.
Özbək dilində istifadəyə verilmiş "Uzeyir Hajibeyov" adlı bölmə ilə tanış olmaq mümkündür .

09.06.2020

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası