Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat

XƏBƏRLƏR 2021

  • bg1
  • bg2
  • bg3
  • bg4
  • bg5
  • bg6
1 2 3 4 5 6
html5 slider by WOWSlider.com v8.8

Qaraqalpaqstanda Azərbaycan Mədəniyyəti və Ədəbiyyatı Mərkəzinin açılışı olub


Özbəkistanın Qarakalpaqstan Respublikasındakı Acıniyaz adına Nukus Dövlət Pedaqoji İnstitutunda Hüseyn Cavid adına Azərbaycan Mədəniyyəti və Ədəbiyyatı Mərkəzinin açılışı olub.

Özbəkistandakı Heydər Əliyev adına Azərbaycan Mədəniyyət Mərkəzinin təşəbbüsü və layihəsi ilə yaradılan ocağın açılışında Azərbaycan Milli Məclisinin Mədəniyyət Komitəsinin sədri Qənirə Paşayeva, Azərbaycan Mədəniyyət Mərkəzinin direktoru Samir Abbasov, Bakıdan və Daşkənddən gələn qonaqlar, universitetin professor-müəllim heyəti, jurnalistlər iştirak edib.

Açılsın rəmzi qırmızı lentini Qənirə Paşayeva, Samir Abbasov və institutun rektoru Bayrambəy Atemuratov kəsiblər.

Azərbaycan Mərkəzində nəşrlər arasında ulu öndər Heydər Əliyevin həyat və fəaliyyətindən, Prezident İlham Əliyevin rəhbərliyi ilə ölkəmizin iqtisadi inkişafından bəhs edən, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən kitablar var. Kolleksiyada Özbəkistandakı Heydər Əliyev adına Azərbaycan Mədəniyyət Mərkəzinin özbək dilində Azərbaycanın tarixi, dövlətçiliyi, mədəniyyəti, ədəbiyyatı ilə bağlı Daşkənddə çap etdirdiyi kitablar, habelə Ermənistan-Azərbaycan Dağlıq Qarabağ münaqişəsinə dair nəşrlər də yer alıb. Həmçinin Azərbaycan Mədəniyyət Mərkəzinin özbək dilində çap etdirdiyi böyük Azərbaycan şairi Nizami Gəncəvinin “Xəmsə”si, İmadəddin Nəsiminin “Cananı sevərmən” əsəri, “Azərbaycanca-özbəkcə, özbəkcə-Azərbaycanca lüğət”i, Azərbaycan-Özbəkistan ədəbi əlaqələri mövzusunda kitablar da hədiyyə olunan nəşrlər arasındadır.

Otaqda Azərbaycan bayrağı, yazıçılarımızın portretləri, Qarabağin milli qadın və kişi geyimləri, xalçalarımız, suvenirlərimiz də nümayiş etdirilir.

Azərbaycan ocağı kompüter və televizorla da təmin edilib. İnstitutun rektoru qonaqlar salamlayıb, bu mərkəzin yaradılması üçün Özbəkistandakı Heydər Əliyev adına Azərbaycan Mədəniyyət Mərkəzinə təşəkkürünü bildirib. Rektor vurğulayıb ki, Azərbaycan ədəbiyyatının və mədəniyyətinin öyrənilməsi istiqamətində bu mədəniyyət ocağın böyük rolu olacaq.

Samir Abbasov Özbəkistanla mədəni əlaqələrin inkişafından danışaraq, rəhbərlik etdiyi Azərbaycan Mədəniyyət Mərkəzinin təşkilatçılığı ilə bir çox ali məktəblərdə, mədəniyyət müəssisələrində Azərbaycan mərkəzləri, ocaqlarının yaradıldığını qeyd edib. O, dövlət başçılarımızın görüşlərinin iki ölkə arasında əməkdaşlıqda yeni imkanlar açdığını və qarşıya yeni hədəflər qoyduğunu vurğulayıb. Qarakalpaqstanda ilk layihə olaraq Azərbaycana dair mərkəzin yaradıldığını, açılışı edilən Hüseyn Cavid Mərkəzində Azərbaycan dilinin, ədəbiyyatının geniş tədris ediləcəyini, hər iki xalqın ortaq dəyərlərinə dair konfranslar, seminarlar, açıq dərslər keçiriləcəyini qeyd edib. Diplomat sözügedən ocağın Özbəkistanın Qarakalpaqstan diyarı ilə Azərbaycan arasında mədəni əlaqələrin genişləndirəcəyinə inamını ifadə edib. Samir Abbasov Özbəkistan-Azərbaycan arasında əməkdaşlığın bundan sonra daha da dərinləşdirilməsi istiqamətində böyük layihələrin həyata keçirilməsindən bəhs edib. O, Hüseyn Cavidin bu misralarını səsləndirib:”Turana qılıncdan da iti, ən ulu qüvvət, mədəniyyət, mədəniyyət, mədəniyyət”.

Qənirə Paşayeva bu institutda, dahi Berdakın vətənində Azərbaycan Ədəbiyyatı və Mədəniyyəti Ocağın açılmasını böyük hadisə adlandırıb. Komitə sədri Azərbaycanla Özbəkistan arasındakı tarixi dostluq və qardaşlıq əlaqələrindən danışıb, əməkdaşlığın daha da yaxınlaşması istiqamətində dövlət başçılarımız İlham Əliyevlə Şavkat Mirziyoyevin böyük xidmətləri olduğunu vurğulayıblar. Türkdilli dövlətlər arasında, Turan ellərində əməkdaşlığın daha da gücləndirilməsindən danışan Komitə sədri əmin olduğunu bildirib ki, bundan sonra Qarakalpaqıstanla Azərbaycan arasında əməkdaşlığın inkişafı daha da dərinləşəcək.

Yazıçı və şairlərimizin dostluğu haqqında söhbət açan deputat Səməd Vurğunla Qafur Qulamın dostluğunun bir örnək olduğunu vurğulayıb. Qənirə Paşayeva vurğulayıb ki, Özbəkistan 2020-ci il sentyabrın 27-də Azərbaycan öz torpaqlarını Ermənistan işğalından azad etmək üçün başladığı Vətən müharibəsində ölkəmizin haqq işini müdafiə edib. Bu dostluq və qardaşlıq nümunəsinə görə Özbəkistan Prezidenti Şavkat Mirziyoyevə və özbək xalqına minnətdarlıq edirəm.

23.10.2021

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası