Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat
Az   |   Рус

XƏBƏRLƏR 2021

    122
  • bg1
  • bg2
  • bg3
  • bg4
  • bg5
  • bg6
  • bg7
  • bg8
  • bg9
  • bg10
  • bg11
  • bg12
1 2 3 4 5 6 7 8 9 10 11 12
html5 slider by WOWSlider.com v8.8

“Əlişir Nəvai və XXI əsr” adlı konfransda Azərbaycan da iştirak edib.


Əlişir Nəvai adına Daşkənd Dövlət Özbək Dili və Ədəbiyyatı Universitetində “Əlişir Nəvai və XXI əsr” adlı beynəlxalq konfransın açılışı olub.

Açılış mərasimində Özbəkistanın elm və mədəniyyət xadimləri, səfirlər, beynəlxalq təşkilatların nümayəndələri, onlayn formatda bir sıra xarici dövlətin alim və tədqiqatçıları iştirak edib.

Universitetin rektoru, professor Şuxrat Siracəddinov konfransı açaraq iştirakçıları salamlayıb, Əlişir Nəvainin həyat və yaradıcılığı haqqında məlumat verib, böyük şairin Şərq ədəbiyyatındakı yerindən və mövqeyindən danışıb.

Özbəkistan Milli Elmlər Akademiyasının Nəvai adına Ədəbiyyat, Dil və Folklor İnstitutunun direktoru, professor Nizaməddin Mahmudov, Türkiyə və Əfqanıstanın Özbəkistandakı səfirləri Turqut Surəyya Er, Əhməd Xalid Elmi və başqaları Əlişir Nəvaini tanınmış şair, dövlət xadimi və filosof kimi xarakterizə ediblər.

Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov bildirib ki, bu konfrans Azərbaycan tərəfi üçün də çox əlamətdar hadisədir. Azərbaycan və özbək ədəbi əlaqələrinin tarixindən danışan natiq qeyd edib ki, Əlişir Nəvai ədəbi əlaqələrimizin fövqündə duran şəxsiyyətlərdən biridir. O deyib ki, türk ədəbi dilinin yaradıcısı olan Əlişir Nəvai xalqın ehtiramını da qazanmışdı.

Azərbaycan Milli Elmlər Akademiyasının vitse-prezidenti, akademik İsa Həbibbəylinin onlayn formatda təqdim etdiyi Əlişir Nəvai yaradıcılığının Azərbaycanda öyrənilməsi, əsərlərinin nəşri məsələləri ilə bağlı məruzəsi maraqla qarşılanıb. Bildirilib ki, Əlişir Nəvai dünya ədəbiyyatı tarixinə türk dilində “Xəmsə” yazan şair kimi düşüb.

Sonra Şuxtat Siracəddinov universitetin Elmi Şurasının qərarını oxuyub.
Qərara əsasən, İsa Həbibbəyli və AMEA-nın Nizami Gəncəvi adına Ədəbiyyat İnstitutunun “Azərbaycan-Türkmənistan-Özbəkistan ədəbi əlaqələri” şöbəsinin müdiri, filologiya elmləri doktoru Almaz Ülvi Binnətova Azərbaycan-Özbəkistan ədəbi əlaqələri sahəsindəki xidmətlərinə görə universitetin fəxri professoru adına layiq görülüblər.

Şuxtat Siracəddinov bununla bağlı diplomları aidiyyəti üzrə çatdırmaq üçün Samir Abbasova təqdim edib.

09.02.2021

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası