Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat

XƏBƏRLƏR 2021

  • bg1
  • bg2
  • bg3
  • bg4
  • bg5
  • bg6
1 2 3 4 5 6
html5 slider by WOWSlider.com v8.8

Azərbaycanın “VMF” saat fabriki və Yaponiyanın “CİTİZEN” korporasiyası Daşkənddə sərgi-satış salonu açıb.


Yüksək texnologiya və dəqiq mexanizmlər istehsal edən Azərbaycanın “VMF” saat fabriki və Yaponiyanın “CİTİZEN” korporasiyası Daşkənddə sərgi-satış salonu açıb.

Daşkəndin Mərkəzi Univermağında sərgi-satış salonunun açılışında Azərbaycanın və Yaponiyanın Özbəkistandakı səfirləri Hüseyn Quliyev və Eşinori Fudjiyama, bu ölkədə Heydər Əliyev adına Azərbaycan Mədəniyyət Mərkəzinin əməkdaşları, mədəniyyət və incəsənət xadimləri, iş adamları, jurnalistlər iştirak edib.

“VMF” şirkətinin rəhbəri Vahid Mustafayev qonaqları salamlayaraq şirkətin yaranması haqqında məlumat verib. O deyib ki, Azərbaycanın “VMF” Şirkəti saat sənayesində ilk addımlarını ötən əsrin 1990-cı illərində atıb. 1997-ci ildə “VMF” dünya lideri sayılan İsveçrənin “Swatch Group” Saat korporasiyası ilə əməkdaşlığa başlayıb.

2018-ci ildə Azərbaycanın yüksək texnologiya və dəqiq mexanizmlər istehsal edən “VMF” Saat fabriki “CİTİZEN” korporasiyasına aid “Miyota” Saat Mexanizmləri Zavodu ilə daha mükəmməl əməkdaşlıq mərhələsinə keçib və ilk Azərbaycan saatlarının istehsalına başlayıb.

V. Mustafayev deyib ki, 2019-cu ildə “VMF” saatlarının ilk nümunəsi Azərbaycan Respublikasının Prezidenti cənab İlham Əliyevə təqdim olunub. Saatlarla tanış olduqda dövlət başçısı Azərbaycanın istehsalı olan “VMF” yüksək texnologiya və dəqiq mexanizmlər fabrikinin saatlarını bütün dünyaya tanıtmaq və ixrac etmək tövsiyəsini verib.

Hüseyn Quliyev bildirib ki, “VMF” Şirkəti Azərbaycana iqtisadi, siyasi və ən əsası, mədəni baxımdan doğma olan Özbəkistanı ilk ixrac ölkəsi seçib. Belə ki, 2020-ci ildə Daşkənd şəhərində “VMF” Şirkətlər Qrupu Orta Asiya üzrə nümayəndəliyini təsis edib. Bunu nəzərə alaraq Yaponiyanın “CİTİZEN” saat korporasiyası “VMF” şirkətini özünün Orta Asiya üzrə təmsilçisi seçib.

Eşinori Fudjiyama deyib ki, 2021-ci ildə “VMF” və “CİTİZEN” saatlarının Daşkəndin Mərkəzi Univermağında ilk sərgi-satış salonu açması qürurvericidir. Bu ilin sonunadək Özbəkistanın bir neçə şəhərində də “VMF” və “CİTİZEN” müştərək sərgi-satış salonlarının açılması gözlənilir.

Sonra Özbəkistandakı Heydər Əliyev adına Azərbaycan Mədəniyyət Mərkəzinin “Azərbaycan qızları” rəqs ansamblının üzvləri milli rəqslərimizi ifa ediblər.

08.06.2021

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası