Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat

XƏBƏRLƏR 2022

  • bg1
  • bg2
  • bg3
  • bg4
  • bg5
  • bg6
  • bg7
  • bg8
1 2 3 4 5 6 7 8
html5 slider by WOWSlider.com v8.8

Özbəkistanın paytaxtı Daşkənddə “Azərbaycan mətbəxi günü” keçirilib.


Özbəkistanın paytaxtı Daşkənd şəhərində “Prestige” istirahət və əyləncə mərkəzində “Azərbaycan mətbəxi günü” keçirilib.

Tədbir Daşkənddə fəaliyyət göstərən “Yeməli” Azərbaycan Restoranının təşkilatçılığı, Azərbaycan qida istehsalçısı “Azərsun Holdinq” və Özbəkistandakı Heydər Əliyev adına Azərbaycan Mədəniyyət Mərkəzinin dəstəyi ilə reallaşdırılıb.

Tədbirin keçirilməsində əsas məqsədi milli mətbəximizi Özbəkistanda tanıtmaq, təbliğ etmək və onun haqqında obyektiv məlumatların yayılması, saxtalaşdırılmasının qarşısını almaqdır.

“Azərbaycan mətbəxi günü” tədbirində yerli iş adamları, jurnalistlər, ölkəmizin dostları, yerli azərbaycanlılar iştirak ediblər.

İlk öncə tədbirdə çıxış edən Daşkənddəki “Yeməli” restoranın direktoru Elgun Əliyev və digər natiqlər Azərbaycan mətbəxinin orijinallığından söhbət açaraq, milli mətbəximizin mədəniyyətimiz və ölkəmizin təbiəti kimi zəngin, rəngarəng və müxtəlifliyi ilə fərqləndiyini qeyd ediblər.

Azərbaycan mətbəxinə aid milli mətbəximizin şah əsəri olan plov və dolmanın müxtəlif növləri, habelə çığırtma, qutab, milli şirniyyatlarımız - şəkərbura, paxlava, qoğal və s. ilə tədbir iştirakçıları qonaq edilib, müxtəlif yeməklərin hazırlanması üzrə ustad dərsləri təşkil edilib.

Tədbirdə Özbəkistandakı Heydər Əliyev adına Azərbaycan Mədəniyyət Mərkəzi tərəfindən Azərbaycan mədəniyyətinə, mətbəxinə aid xüsusi guşə hazırlanmış və burada milli musiqi alətlərimiz, suvenirlərimiz, Azərbaycana dair nəşrlər sərgilənmişdir.

Bundan başqa, Azərbaycan qida istehsalçısı “Azərsun Holdinq” şirkəti tərəfindən hazırlanan və milli istehsal olan ərzaq, çaylar və içkilər təqdim edilib.

Müxtəlif masalara yeməklər gətirilərkən hər bir mətbəx nümunəsinin hazırlanması, onun xalqımıza aid olmasına dair məlumat və faktlar iştirakçılara çatdırılıb.

Tədbir çərçivəsində Özbəkistandakı Heydər Əliyev adına Azərbaycan Mədəniyyət Mərkəzinin nəzdindəki “Əməkdar artist Kaykep Aliyeva adına Azərbaycan qızları” rəqs ansamblının üzvləri, habelə musiqiçilər bir-birindən gözəl milli rəqslərimizi və musiqilərimizi ifa ediblər.

13.06.2022

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası