XƏBƏRLƏR 2022
Özbəkistanın Xorəzm vilayətində yaradılacaq “Ölkələr, millətlər, məşhurlar” adlı muzey-sərgidə Azərbaycan stendi təşkil olunacaq.
Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov bu ölkənin tanınmış muzeyşünası, “ELEKTR” şirkətinin təsisçisi və rəhbəri Madamin Saparboev arasında görüş keçirilib.
M. Saparboev Özbəkistanın Xorəzm vilayətinin Ürgənc şəhərində “Ölkələr, millətlər, məşhurlar” adlı muzey-sərgi təşkil edildiyini və yaradılacaq muzeydə xarici ölkələr üçün ayrılmış sahədə müxtəlif ölkələrin dövlət rəmzləri, dövlət və millətləri, məşhurları haqqında məlumatlar, foto və guşələr, eksponatların nümayiş ediləcəyini qeyd edib. O, turizm şəhəri olan Ürgəncdə yerli hakimiyyət tərəfindən artıq müvafiq binanın ayrıldığını da bildirib.
Samir Abbasov Azərbaycan mədəniyyətinə Özbəkistanda daim böyük maraq olduğunu vurğulayaraq Heydər Əliyev adına Azərbaycan Mədəniyyət Mərkəzinin Özbəkistanın müxtəlif şəhərlərində Azərbaycan mərkəzləri, guşələrinin yaradıldığını və bu ocaqların ölkələrimiz arasında dostluq əlaqələrini daha da möhkəmləndirdiyini bildirib. O, Xorəzm vilayətində “Ölkələr, millətlər, məşhurlar” adlı muzey-sərginin təşkili təşəbbüsünü yüksək qiymətləndirib və sözügedən muzeydə Azərbaycanla bağlı eksponatlar, fotolar və məlumatların hazırlanması və təmin etməsinə dəstək göstərəcəklərini bildirib.
Qeyd edək ki, “Ölkələr, millətlər, məşhurlar” adlı muzey-sərgidə Azərbaycanın dövlət bayrağı, gerbi, dövlət himni, xəritəsi, tarixi abidələrinin maketləri, milli mədəniyyətimizə aid maraqlı guşələr, turizm məkanlarının fotoşəkilləri, məşhur şəxsiyyətləri, Ulu öndər Heydər Əliyev, tanınmış elm, mədəniyyət, ədəbiyyat xadimlərinin portretləri təşkil olunacaqdır.
26.08.2022