Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat

XƏBƏRLƏR 2022

html5 slider by WOWSlider.com v8.8

Özbəkistanda Azərbaycan və Özbəkistanın xalq artisti Gülyanaq Məmmədova «Ulug‘lardan ulug‘imsan Vatanim» adlı konsert proqramı ilə çıxış edəcək.


Özbəkistan Respublikasının Prezidenti Şavkat Mirziyoyev tərəfindən qardaş ölkənin müstəqilliyinin 31-ci ildönümü münasibəti və iki ölkə arasında dostluğa xidmətlərinə görə Özbəkistanın xalq artisti adına layiq görülən Gülyanaq Məmmədova 14-15 sentyabr tarixlərində Daşkənd şəhərində möhtəşəm konsert proqramı ilə çıxış edəcəkdir.

Özbəkistandakı Heydər Əliyev adına Azərbaycan Mədəniyyət Mərkəzi tərəfindən mətbuata verilən məlumata görə xalq artistləri Gülyanaq və Gülyaz Məmmədova bacıları Daşkənddə keçiriləcək «İpək yolunun dürdanəsi» adlı Beynəlxalq Kino Festivalında iştirak, habelə Azərbaycan Mədəniyyət Mərkəzi tərəfindən Daşkənd şəhəri və Bektemir rayonunda təşkil olunacaq «Ulug‘lardan ulug‘imsan Vatanim» adlı möhtəşəm konsert proqramı ilə çıxış edəcəklər.

Qeyd edək ki, bu Özbəkistan Respublikasının xalq artisti adına layiq görüləndən sonra Gülyanaq Məmmədovanın Özbəkistanda ilk konserti olacaqdır.

Xalq artistləri Gülyanaq və Gülyaz Məmmədova Daşkənddə 14 sentyabr tarixində açılışı olacaq «İpək yolunun dürdanəsi» adlı Beynəlxalq Kino Festivalında dünyanın məşhur artistləri, kino xadimləri ilə yanaşı, tanınmış incəsənət xadimləri olaraq qırmızı xalıdan keçəcəklər.

15 sentyabr tarixində isə xalq artistləri Gülyanaq və Gülyaz Məmmədova bacıları Beynəlxalq Kino Festivalı çərçivəsində Özbəkistandakı Heydər Əliyev adına Azərbaycan Mədəniyyət Mərkəzində açılışı ediləcək «Azərbaycan kino günləri» tədbirində konsert proqramı ilə çıxışı nəzərdə tutulub.

Qeyd edək ki, 17 sentyabrda xalq artistləri Özbəkistanın Buxara şəhərində mərkəzi sarayda konsert proqramı ilə çıxışı gözlənilir.

12.09.2022

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası