XƏBƏRLƏR 2019
Lənkəranda “Azərbaycan və Özbəkistan Böyük İpək Yolu ilə” adlı Beynəlxalq tədbirin keçirilməsi, Özbək jurnalistlərinin növbəti mediaturunun Azərbaycanın cənub bölgəsinə təşkili razılaşdırılıb.
27 mart 2019-cu il tarixində Bakı şəhərində Azərbaycan Respublikasının Özbəkistandakı Heydər Əliyev adına Mədəniyyət Mərkəzinin direktoru Samir Abbasovla Lənkəran şəhər Heydər Əliyev Mərkəzinin direktoru Reyhanə Sadıqova arasında görüş keçirilib. Görüşdə qarşılıqlı əməkdaşlığın qurulması və inkişafı məqsədilə bir sıra məsələlər danışılıb, gələcəkdə birgə əməkdaşlıq məsələləri müzakirə edilib.
Tərəflər qarşılıqlı əməkdaşlıq, birgə layihələrin həyata keçirilməsi barədə fikirlərini bölüşüb, birgə tədbirlərin reallaşdırılması məqsədilə yaxın zamanlarda ikitərəfli əməkdaşlığa dair Memorandumun imzalanmasını razılaşıblar.
Görüşdə cari ilin iyun ayında Özbəkistan Respubikasında fəaliyyət göstərən Heydər Əliyev adına Azərbaycan Mədəniyyət Mərkəzinin layihəsi ilə Özbəkistanın aparıcı media nümayəndələrinin iştirakı ilə təşkil olunacaq növbəti “Mediatur”un Azərbaycanın cənub bölgəsinə də təşkil olunması, Lənkəran şəhərində “Azərbaycan və Özbəkistan böyük ipək yolu ilə” adlı Beynəlxalq tədbirin keçirilməsi, Özbəkistanın incəsənət usatalarının, musiqi kollektivlərinin iştirakı ilə konsert proqramının təşkili ilə əlaqədar tərəflər arasında fikir mübadiləsi aparılmış və ilkin razılıq əldə olunub.
Lənkəran şəhər Heydər Əliyev Mərkəzinin direktoru Reyhanə Sadıqova lazımi qurumlarla məsələnin müzakirə edəcəyini və detallarının razılaşdırılacağını bildirib.
27.03.2019