Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi Azərbaycan və Özbəkistanın gerbləri
Ana səhifəBizə yazınSayt haqda məlumat

XƏBƏRLƏR 2022

  • bg1
  • bg2
  • bg3
  • bg4
  • bg5
  • bg6
  • bg7
  • bg8
  • bg9
  • bg10
  • bg11
  • bg12
  • bg13
  • bg14
  • bg15
  • bg16
  • bg17
  • bg24
  • bg1
  • bg2
  • bg3
  • bg4
  • bg5
  • bg6
  • bg7
  • bg8
  • bg9
  • bg10
  • bg11
  • bg12
  • bg13
  • bg14
  • bg15
1 2 3 4 5 6 7 8 9 10 11 12 13 14 15 16 17 18 19 20 21 22 23 24 1 2 3 4 5 6 7 8 9
html5 slider by WOWSlider.com v8.8

Daşkənddə “Bahar çələngi” Azərbaycan-Özbəkistan incəsənət sərgisinin açılışı olub. (FOTOSESSİYA)


Özbəkistandakı Heydər Əliyev adına Azərbaycan Mədəniyyət Mərkəzində “Bahar çələngi” sərgisinin açılış mərasimi keçirilib.

Tədbirdə Azərbaycan Mədəniyyət Mərkəzinin, Özbəkistan-Azərbaycan Dostluq Cəmiyyətinin əməkdaşları, yerli azərbaycanlılar və özbəklər, Daşkənddəki ali məktəblərin tələbə və müəllimləri, jurnalistlər iştirak ediblər.

Sərgidə Azərbaycan və Özbəkistanın mədəniyyət və incəsənətinə dair milli geyimlər, kəlağayılar, özbək ipəyinin şah əsəri sayılan adraslar, xalça və suzannalar, milli geyimlərdə kuklalar, rəsmlər yer alır.

Açılış mərasimində çıxış edən Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov hər bir xalqın özünəməxsus incəsənətinin, milli geyim mədəniyyətinin olduğunu qeyd edərək, təşkil olunan sərginin qədim və zəngin mədəniyyətimizi, incəsənətimizi özündə əks etdirdiyini söyləyib. Diplomat sərginin xalqlarımızın çoxəsrlik maddi-mənəvi dəyərlərini və istedadını bir daha nümayiş etdirdiyini bildirib. O, Azərbaycan Mədəniyyət Mərkəzinin milli geyimlərin təbliği və nümayişinə xüsusi önəm verdiyini və daimi olaraq Özbəkistanın paytaxtı Daşkəndlə, yanaşı ölkənin regionlarındakı böyük şəhərlərində moda sərgilərinin, dəfilələrin təşkil olunduğunu vurğulayıb.

Özbəkistan-Azərbaycan Dostluq Cəmiyyətinin icraçı direktoru, professor Erkin Nuriddinov mədəniyyətimizin çoxəsrlik və mürəkkəb bir inkişaf yolu qət etdiyini, nəsillərdən-nəsillərə ötürülən milli dəyərlərimizin, adət və ənənələrimizin, mədəni irsimizin tanıdılması və təbliğinin oldquqca əhəmiyyətli olduğunu vurğulayıb. Natiq “Bahar çələngi” adlı sərgidə həm Azərbaycan, həm də Özbəkistan mədəniyyət və incəsənətinə aid gözəl sənət əsərlərinin nümayiş etdirildiyini söyləyərək, sərgidə Özbəkistana aid geyimlərin tanınmış modelyer Nərgiz Qafurova tərəfindən hazırlandığını qeyd edib.

Daha sonra sərgi iştirakçılarına bahara aid milli rəqslərimiz təqdim edilmiş, Azərbaycan Mədəniyyət Mərkəzinin nəzdindəki “Kaykep Aliyeva adına Azərbaycan qızları” rəqs ansamblı çıxış edib.

Tədbir iştirakçıları hər iki ölkənin milli şirniyyatlarına qonaq ediliblər.
Qeyd edək ki, “Bahar çələngi” adlı sərgi 8 mart Beynəlxalq Qadınlar günü və Bahar bayramına həsr olunub və cari il 20 mart tarixinə qədər Azərbaycan Mədəniyyət Mərkəzində nümayiş etdiriləcəkdir.

Azərbaycan Mədəniyyət Mərkəzindən verilən məlumata görə müntəzəm olaraq Daşkənddəki ali məktəblərin tələbələri üçün təşkil edilən ekskursiyalar çərçivəsində sərginin Özbəkistanlı gənclərə nümayiş etdirilməsi nəzərdə tutulur.

05.03.2022

SON XƏBƏRLƏR

Azərbaycan xalqının ümummilli lideri Heydər Əliyev Azərbaycan Respublikasının Prezidenti Azərbaycan Respublikasının Xarici İşlər Nazirliyi Azərbaycan Respublikasının Mədəniyyət və Turizm Nazirliyi Azərbaycan Respublikasının Özbəkistan Respublikasındakı Səfirliyi Azərbaycana aid portal
© Azərbaycan Respublikasinin Özbəkistan Respublikasındakı Səfirliyinin nəzdindəki Heydər Əliyev adına Azərbaycan Mədəniyyət Mərkəzi. Saytdakı məlumatlarından istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Özbəkistan, Daşkənd şəhəri, Mirabad rayonu, Heydər Əliyev küç., 9
Tel.: (+99871) 293 53 56; (+99871) 293 52 89
E-mail: culcenter.az@gmail.com
Progint Studiyası