Ozarbayjonning O'zbekistondagi elchixonasi qoshidagi Haydar Aliyev nomidagi Ozarbayjon Madaniyat Markazida 2017 yildan buyon "Olovlar yurti naqshlari" Ozarbayjon gilamlari ko'rgazmalar zali ochildi.
Ozarboyjon gilamlari muzeyida "Olovlar yurti naqshlari", doimiy ko'rgazmalar zalida turli naqshinkor unsurlar va tasvirlar bilan bezatilgan Ozarbayjondagi 7 ta asosiy gilam to'qish maktablarini o'zida aks ettirgan gilamlar namoyish etilmoqda.
Ko'rgazmalar zalida Ozarbayjon xalqining Shirvon, Qorabog', Irevan, Darband, Guba, Naxchivon, Gazax-Borchali va boshqa joylarda yaratgan qo'lda ishlangan gilamlari namoyish etilmoqda.
Ko'rgazma stendida Ozarboyjon gilam to'qish maktabiga oid 30 ga yaqin qadimiy va noyob gilamlar, shuningdek, Ozarbayjon gilam san'ati aks etgan kitob ko'rgazmasi, shuningdek, qo'lda gilam to'qish uchun ishlatiladigan dastgoh namoyish etiladi.
Devorlar bo'ylab joylashtirilgan stendlarda doimiy ravishda Ozarbayjonning turli hududlarida tayyorlangan gilamlar namoyish etilib, gilamlarni maxsus chiroqlar bilan yoritilib, ular haqida 3 tilda (o'zbek, rus va ingliz tillarida) ma'lumot aks ettirilgan tablolar joylashtirilgan.
Ta'kidlash lozimki, Ozarbayjon xalq san'atining eng keng tarqalgan turi bo'lgan gilamchilik san'ati Ozarbayjon xalqining badiiy tafakkuri va iste'dodini namoyon etadi. Qadimgi yunon tarixchilari bir qator manbalarda qadimgi Ozarbayjon gilamlari haqida yozganlar.
Gilamdo'zlik Ozarbayjon xalqining qadimiy tarixi va boy madaniyatini namoyish etib, eng murakkab qo'l mehnati turlaridan biri hisoblanadi.
"Olovlar yurti naqshlari" Madaniyat Markazining Ozarbayjon gilamlari muzey va ko'rgazmalar zalida Toshkent oliy o'quv yurtlari talabalari, o'rta maktab o'quvchilari hamda markazga tashrif buyurganlarning barchasi uchun muntazam ravishda ekskursiyalar o'tkaziladi. Muzeyda Ozarbayjon gilamlari va gilamchilik bilan bog'liq ko'plab nashrlarning maxsus doimiy kitob ko'rgazmasi tashkil etilgan.
Madaniyat Markazi tomonidan o'tkaziladigan taqdirlash marosimlari, rasmiy davlat qabullari va boshqalar. "Olovlar yurti naqshlari" Ozarbayjon gilamlari muzey va ko'rgazmalar zalida ham o'tkazilmoqda.
Muzey haftasiga 6 kun (yakshanba kunlaridan tashqari), har kuni soat 10:00 dan 18:00 gacha ishlaydi.
“Olovlar yurti naqshlari”
