XABARLAR 2021
Ozarbayjon Madaniyat Markazi “O'zbekiston - bag'rikeng mamlakat” tadbirida ishtirok etdi
Haydar Aliyev nomidagi Ozarbayjon Madaniyat markazi Islom Karimov nomidagi Toshkent Davlat texnika universitetida bo'lib o'tgan “O'zbekiston - bag'rikeng mamlakat” tadbirida ishtirok etdi.
Tadbirda universitet professor-o'qituvchilari, olimlar, madaniyat va san'at arboblari ishtirok etdi.
Universitet prorektori Orifjon Zaripov mehmonlarni qutlar ekan, O'zbekistonda 130 dan ortiq xalq va millat vakillari tinch-totuv yashayotganini ta'kidladi. Oz sonli xalqlar vakillari fan, madaniyat, ta'lim, ishlab chiqarish, qurilish va boshqa sohalarda muvaffaqiyatli mehnat qilib, mamlakat iqtisodiyoti rivojiga hissa qo'shmoqda, deya e'tirof etdi u.
Haydar Aliyev nomidagi Ozarbayjon Madaniyat Markazi xodimi Kifoyat Pirmamedova Ozarbayjon haqida so'z yuritar ekan, respublika bag'rikeng, ko'p madaniyatli mamlakat ekanini ta'kidladi, mamlakatimizning tinchliksevar siyosati haqida so'zladi. Qadimiy tarix va madaniy qadriyatlarga ega bo'lgan Ozarbayjon mamlakatda yashovchi xalqlarning madaniyati, tarixi, urf-odatlari va diniy e'tiqodlarini hurmat qiladi, dedi u.
K. Pirmamedova Armanistonning agressiv siyosati haqida so'z ochib, qariyb 30 yil davomida Armaniston ishg'oli ostida bo'lgan yerlarimizni ozod qilinganiga e'tibor qaratdi.
So'ngra Ozarbayjon Madaniyat Markazi qoshidagi Kovkab Aliyeva nomidagi "Ozarbayjon qizlari" raqs ansambli a'zolari raqslarimizni ijro etishdi.
19.11.2021